Преподобномученик Варлаа ́ м (Коноплев), Белогорский, архимандрит

18 ноября – Память Отцов Поместного Собора Церкви Русской 1917–1918 гг.

5 февраля (переходящая) – Собор новомучеников и исповедников Церкви Русской

12 февраля (переходящая) – Собор святых Пермской митрополии

Житие

Преподобномученик архимандрит Варлаам и иже с ним убиенные братия Белогорского монастыря

Пре­по­доб­но­му­че­ник Вар­ла­ам (в ми­ру Ва­си­лий Ев­фи­мо­вич Ко­но­плёв) ро­дил­ся в 1858 го­ду в Юго-Кна­уф­ском за­во­де Осин­ско­го уез­да Перм­ской гу­бер­нии в кре­стьян­ской се­мье ста­ро­об­ряд­цев-бес­по­пов­цев. В ав­то­био­гра­фии, в ко­то­рой пре­по­доб­но­му­че­ник опи­сал свои по­ис­ки ис­ти­ны и при­ход в Пра­во­слав­ную Цер­ковь, он так рас­ска­зы­вал о се­бе: «На де­ся­том го­ду я вы­учил­ся гра­мо­те; мо­лил­ся с бес­по­пов­ца­ми, со ста­ри­ка­ми и про­сто­лю­ди­на­ми; ко­гда стал при­хо­дить в воз­раст, по­лю­бил чи­тать Бо­же­ствен­ное Пи­са­ние. Всё сво­бод­ное вре­мя я от­да­вал чте­нию книг, по­ку­пая их или про­ся у дру­гих для про­чте­ния. И по­сте­пен­но стал раз­го­рать­ся во мне дух к Бо­гу — я раз­мыш­лял о ве­ре, о рас­ко­ле, о Пра­во­слав­ной Во­сточ­ной Церк­ви, раз­мыш­лял о свя­щен­стве, без ко­то­ро­го, ви­дел, спа­стись нель­зя. В этих ду­мах я за­бы­вал всё. Но­чью ча­сто вста­вал на мо­лит­ву пе­ред ико­на­ми Гос­по­да Все­дер­жи­те­ля и Пре­чи­стой Бо­го­ро­ди­цы и мо­лил­ся усерд­но, го­ря­чо, со сле­за­ми, про­сил Гос­по­да: «Гос­по­ди, от­крой мои очи, дай ра­зу­меть путь спа­се­ния; ска­жи мне путь, ка­ким мне ид­ти, на­учи тво­рить во­лю Твою». И ещё про­сил ука­зать, в ка­кой Церк­ви и через ка­ких пас­ты­рей бла­го­дать Свя­то­го Ду­ха дей­ству­ет». До трид­ца­ти пя­ти лет Ва­си­лий был по­сто­ян­но в раз­мыш­ле­нии о Церк­ви, ста­ра­ясь ура­зу­меть Еван­гель­ские, апо­столь­ские и про­чие Пи­са­ния, на­хо­дя их за­ча­стую несход­ны­ми с пи­са­ни­я­ми о Церк­ви и свя­щен­стве у ста­ро­об­ряд­цев. В это вре­мя он мно­го пу­те­ше­ство­вал, по­се­щал ста­ро­об­ряд­цев-бес­по­пов­цев, при­сут­ство­вал на их бе­се­дах. Пе­ре­лом в по­ис­ках ис­ти­ны со­вер­шил чу­дес­ный слу­чай в неде­лю Всех свя­тых, ко­гда Ва­си­лий уехал в Са­ра­тов­скую гу­бер­нию в ста­ро­об­ряд­че­скую оби­тель. Там он усерд­но мо­лил­ся: «Ми­ло­сти­ве Гос­по­ди, как мне ура­зу­меть о Церк­ви Тво­ей свя­той; не хо­чу быть рас­коль­ни­ком, но не знаю, как ура­зу­меть раз­до­ры цер­ков­ные, не знаю, ка­кая по­ло­ви­на оши­ба­ет­ся, то ли ста­ро­об­ряд­цы что-то недо­по­ни­ма­ют, то ли Церк­ви Во­сточ­ная или Гре­ко-Рос­сий­ская по­гре­ша­ют. Гос­по­ди, по­ка­жи мне чу­до, раз­ре­ши мои со­мне­ния и недо­уме­ния; ес­ли Цер­ковь Рос­сий­ская за пе­ре­ме­ну в об­ря­дах не ли­ши­лась бла­го­дат­ных да­ров, то во вре­мя тор­же­ства ду­хо­вен­ства на Бе­лой Го­ре, во вре­мя их мо­леб­на, по­шли, Гос­по­ди, в это зной­ное вре­мя дождь обиль­ный на зем­лю, чтобы мне ура­зу­меть, что через их пас­ты­рей дей­ству­ет бла­го­дать Свя­то­го Ду­ха». И, дей­стви­тель­но, по до­ро­ге до­мой он услы­шал раз­го­вор, что на Бе­лой Го­ре сре­ди тор­же­ствен­но­го мо­леб­на со­шёл на зем­лю обиль­ный дождь. В ре­зуль­та­те сво­их по­ис­ков Ва­си­лий Ко­но­плёв в 90-х го­дах XIX ве­ка через та­ин­ство ми­ро­по­ма­за­ния при­со­еди­нил­ся к Пра­во­слав­ной Церк­ви. Со­еди­нил­ся с Цер­ко­вью и его отец Ев­фим Ти­хо­но­вич — ему бы­ло то­гда семь­де­сят пять лет — а так­же млад­шие его бра­тья Ан­тон и Па­вел с же­на­ми и детьми и се­мей­ство стар­шей сест­ры. Все­го при­со­еди­ни­лось де­вят­на­дцать че­ло­век. В но­яб­ре 1893 го­да Ва­си­лий был по­стри­жен в ря­со­фор, и по­се­лил­ся на Бе­лой Го­ре. По­сте­пен­но к нему ста­ли со­би­рать­ся все же­ла­ю­щие мо­на­ше­ско­го жи­тия. К 1894 го­ду со­бра­лось две­на­дцать че­ло­век. 1 фев­ра­ля 1894 го­да Ва­си­лий при­нял по­стриг в мо­на­ше­ство с име­нем Вар­ла­ам, а на сле­ду­ю­щий день он был ру­ко­по­ло­жен в иеро­ди­а­ко­на. 22 фев­ра­ля во вре­мя освя­ще­ния пре­сто­ла в ма­лом хра­ме во имя Свя­ти­те­ля Ни­ко­лая его ру­ко­по­ло­жи­ли в иеро­мо­на­ха. С это­го вре­ме­ни отец Вар­ла­ам был на­зна­чен управ­ля­ю­щим но­востро­я­ще­го­ся мис­си­о­нер­ско­го мо­на­сты­ря на Бе­лой Го­ре, по­лу­чив­ше­го впо­след­ствии на­зва­ние Ураль­ско­го Афо­на. Он вос­ста­но­вил Пра­во­слав­ное устав­ное Бо­го­слу­же­ние и, па­мя­туя, что мо­на­стырь мис­си­о­нер­ский, по­ста­вил на долж­ную вы­со­ту про­по­ведь, ко­то­рая зву­ча­ла в нём утром и ве­че­ром. Ни од­но бо­го­слу­же­ние не оста­ва­лось без по­уче­ния. В 1913 го­ду перм­ский свя­щен­ник Иа­ков Ше­ста­ков пи­сал о ба­тюш­ке: «Отец Вар­ла­ам — ру­ко­во­ди­тель со­ве­сти, это ли­цо, ко­то­ро­му по­ру­ча­ют се­бя лю­ди — ми­ряне, точ­но так же, как мо­на­хи, ищу­щие спа­се­ния и со­зна­ю­щие свою немощь. Кро­ме то­го, к от­цу Вар­ла­а­му, как вдох­но­вен­но­му ру­ко­во­ди­те­лю, об­ра­ща­ют­ся ве­ру­ю­щие в труд­ном по­ло­же­нии, в скор­бях, в ча­сы, ко­гда не зна­ют, что де­лать, и про­сят по ве­ре ука­за­ния. Отец Вар­ла­ам от­ли­чал­ся осо­бой опыт­но­стью, ас­ке­тиз­мом, кре­по­стью ду­ха и дет­ским незло­би­ем. Мол­ва о его муд­ро­сти рос­ла; к нему стал сте­кать­ся на­род со всей Перм­ской гу­бер­нии, по­шли да­же ино­род­цы из глу­хо­го За­кам­ска­го края. Каж­дый, при­хо­дя к от­цу Вар­ла­а­му, вы­но­сит силь­ное неза­бвен­ное впе­чат­ле­ние: в нём есть неот­ра­зи­мая си­ла. Ас­ке­ти­че­ские по­дви­ги и тру­до­вая жизнь из­ну­ри­ли здо­ро­вье ба­тюш­ки, но он ни­ко­му не от­ка­зы­вал в со­ве­те. Ве­ли­кие та­ин­ства со­вер­ша­лись в его тес­ной ке­лье: здесь воз­рож­да­лась жизнь, ути­ха­ли скор­би и тек­ли сле­зы уми­ле­ния и ра­до­сти. Чет­верть ве­ка Бе­ло­го­род­ская оби­тель уте­ша­ла страж­ду­щих. В пер­вых чис­лах июня 1917 го­да в оби­те­ли со­сто­я­лось по­след­нее ве­ли­че­ствен­ное тор­же­ство — освя­ще­ние Бе­ло­гор­ско­го со­бо­ра. Бы­ли по­сла­ны при­гла­ше­ния всем бла­го­де­те­лям и по­се­ти­те­лям оби­те­ли, а так­же от­пе­ча­та­ны и разо­сла­ны по всей Рос­сии из­ве­ще­ния о пред­сто­я­щем тор­же­стве. 2 июня в оби­тель при­е­хал свя­щен­но­му­че­ник епи­скоп Перм­ский Ан­д­ро­ник (Ни­коль­ский, па­мять 7 июня); 5 июня ста­ли при­бы­вать в мо­на­стырь из окрест­ных се­ле­ний крест­ные хо­ды с мно­го­чис­лен­ны­ми бо­го­моль­ца­ми. Прой­дя дол­гий путь при днев­ном лет­нем зное и пы­ли, они не вы­ка­зы­ва­ли утом­ле­ния, ли­ца мно­гих бы­ли ра­дост­ны, на них ле­жал от­пе­ча­ток ка­ко­го-то незем­но­го со­сто­я­ния. Хра­мы не вме­ща­ли па­лом­ни­ков, и бо­го­слу­же­ния со­вер­ша­лись пря­мо под от­кры­тым небом; все­нощ­ные, па­ни­хи­ды или мо­леб­ны — по­всю­ду сла­ви­лось имя Бо­жие. И са­ма при­ро­да, ка­за­лось, вни­ма­ла это­му див­но­му зре­ли­щу; не бы­ло вет­ра, све­чи не гас­ли, так бы­ло ти­хо и хо­ро­шо. Про­шёл год со вре­ме­ни освя­ще­ния со­бо­ра. В ав­гу­сте 1918 го­да боль­ше­ви­ки за­хва­ти­ли оби­тель. В глав­ном ал­та­ре со­бо­ра крас­но­ар­мей­цы раз­во­ро­ти­ли и осквер­ни­ли пре­стол. В ке­лье ар­хи­манд­ри­та Вар­ла­а­ма устро­и­ли от­хо­жее ме­сто, а ико­но­пис­ную ма­стер­скую пре­вра­ти­ли в те­атр, где мо­на­стыр­ских маль­чи­ков-пев­чих за­став­ля­ли петь свет­ские фри­воль­ные пес­ни. Мно­гие мо­на­хи бы­ли по­сле звер­ских пы­ток уби­ты. 12 (25) ав­гу­ста крас­но­ар­мей­цы аре­сто­ва­ли на­сто­я­те­ля мо­на­сты­ря ар­хи­манд­ри­та Вар­ла­а­ма и по до­ро­ге в уезд­ный го­род Осу рас­стре­ля­ли его. Му­че­ни­че­скую кон­чи­ну при­ня­ли и мно­гие мо­на­хи оби­те­ли. Их име­на: иеро­мо­на­хи Сер­гий, Илия, Вя­че­слав, Иоасаф, Иоанн, Ан­то­ний; иеро­ди­а­ко­ны Ми­хей, Вис­са­ри­он, Мат­вей, Ев­фи­мий; мо­на­хи Вар­на­ва, Ди­мит­рий, Сав­ва, Гер­мо­ген, Ар­ка­дий, Ев­фи­мий, Мар­келл; по­слуш­ни­ки Иоанн, Иа­ков, Петр, Иа­ков, Алек­сандр, Фе­о­дор, Петр, Сер­гий, Алек­сий. Мо­ги­лы му­че­ни­ков бы­ли скры­ты вла­стя­ми и пре­бы­ва­ют в неиз­вест­но­сти. Про­слав­ле­ны в 1998 го­ду как мест­но­чти­мые свя­тые Перм­ской епар­хии. При­чис­ле­ны к ли­ку свя­тых Но­во­му­че­ни­ков и Ис­по­вед­ни­ков Рос­сий­ских на Юби­лей­ном Ар­хи­ерей­ском Со­бо­ре Рус­ской Пра­во­слав­ной Церк­ви в ав­гу­сте 2000 го­да для об­ще­цер­ков­но­го по­чи­та­ния.

Богослужения

Месяца августа в 12 день

Служба преподобномученику Варлааму, архимандриту Белогорскому и иже с ним пострадавшим

На Господи воззвах: стихиры, глас 2.

На образ твой зряще, преподобне отче, / хвалим тя и радостию радуемся, / кроток быв и смирен сердцем, / плоды принесл еси Христова смирения / яко древо благосеннолиственное, / и нас научи смиряти души наша / пред Отцем Небесным и братиями нашими, // да обрящем вечную победу с тобою.

Все твое желание к Богу прострый, / путь постнический совершил еси, отче, / и ныне вновь призывает тя Господь ко служению Церковному, / орудием тя крепким сотворяя, / да враги всех благ низвержени будут, // и да хвалится вечно твоя память.

Се ныне не предел еще Божия о нас благоволения, / что речем о сих, яже ныне содеваются? / Ныне помазуешися от Духа Свята, на служение Христово, // отче Варлааме приснопамятне.

Образ смирения Христова и любве Его / житием твоим показал еси, преподобне, слезно взывая: / тщитесь достигнуть совершенства, яже Любы есть. / С духовным деланием и телеснаго труда не презирати, / но творящии же сия // не ослабнут в правде Божией во веки.

Слава, глас той же:

Приидите вернии, ко Христу любовию утренююще, / да радости страдальца предивнаго причастницы будем. / Ныне ангелы на небесех и человецы на земли радуются. / Да видяще, како любит Господь верных своих, // и мы Царствию Христову приобщимся.

И ныне, праздника.

На стиховне стихиры, глас 6.

Имже образом желает елень на источники водныя, / сице возжаждал еси ко Христу Богу, / на горах присно взывая во изумлении: / благослови, душе моя, Господа. / Ныне же предстоя Ему неизреченно, / Варлааме преподобне Боговидче, / ниспосли нам огнь божественныя любве, // да тою очистим души наша.

Стих: Честна пред Господем / смерть преподобных Его.

Больши сия любви никтоже имать, / да кто душу свою положит за други своя. / Кровь твою излиял еси за род человеческий, / помяни нас, отче Варлааме, / да узрим в Духе Святе твое милостивное предстательство, // и росою слез твоих ороси мир и души наша.

Стих: Блажен муж бояйся Господа, / в заповедях Его восхощет зело.

Велико и чудно явися житие Твое, Варлааме преподобне: / истощивыйся до смерти лютыя, до ада преисподнейшего, / возвысился еси до ангельскаго дерзновения. / Невечернего света насыщаешися / и ныне молися даровати душам нашим // мир и велию милость.

Слава, глас тойже:

Сокровище Любве нетленныя / припадаем ти, моляся, Варлааме блаженне: / утверди нас нести труды покаяния / и ради любве Господа терпети вся болезни и вся скорби даже до конца, / якоже ты, отче предивне, подвигом добрым победив / венчался еси ангельскими лики // и царствуеши ныне со Христом во веки.

И ныне, праздника.

Тропарь писан на велицей вечерни

Блажен муж: 1-й антифон.

На Господи, воззвах: стихиры на 8: праздника самогласны 3, глас 4.

Ины стихиры преподобномученику Варлааму, глас 8.

Законом прадедним оплетшеся иногда, / на гору Божию наемником восшед, / преобразился еси, преподобне Варлааме. / Христовой Церкви сочетался еси, / отеческую веру и благодать восприя, / мудрования человеков отметая, / начальник обители явился еси // и возгреме чрез тебя глас Господень в концы.

Гора сия – Гора Преображения / всем с верой притекающим соделалась / тобою, преподобне Варлааме. / Монахов множество собра / и, страждущих с любовию принимая, / лесная дебрь процвела. / Гора сия Голгофою явися преподобным – // слезами и кровьми освящена.

Ины стихиры преподобномученикам Белогорским, глас 1.

Телеса ваши на растерзание предасте / блаженнии Сергие и Илие, / духу плоть покорившие, / Страшнии Страсти Христовы сподобистеся восприяти. / Егда же главы ваши сокрушены бысте // венцы небесныя восхитили есте.

Множество ран претерпевше святии, / водою погублены на воде упокоения возрадовастеся / преподобнии Иоанне и Виссарионе, / Матфее и Савво. / С ними же долготерпением и множайшими кровьми // омылись есте светосиянно Иоасафе и Маркелле.

Царя Небеснаго воинству сопричтены, / земное воинство отвергосте рекше: / "Се, наша брань не к плоти и крови, / но к духовом злобы поднебесным". / Блажени живот свой положивши / не против отцев и братии шедшия, / но за ближния, други своя // всехвальнии Белогорстии преподобномученицы.

Слава, глас 6:

Преподобне отче, / Уральскаго Афона пастырю добрый, / достоблаженне мучениче Варлааме, / веры истинной поборниче, / надежды жизни будущей проповедателю, / любовию избыточествующ всем притекающим, / слезный к Богу молитвенниче, // испроси нам мир и велию милость.

И ныне, праздника.

Вход. Прокимен дне. И чтения три мученическая.

На литии стихиры праздника.

Слава, глас 5:

Приидите мучениколюбцы, / отцев блаженных прославим – / белогорских молитвенников / доблемудренно во обители земной трудившихся / и в селениих небесных упокоившихся, / воистину до крови подвизавшихся. / Темже и сугубые венцы стязавшие, / молим вы, преподобнии мученицы, // испросите нам оставление грехов и велию милость.

И ныне, праздника.

На стиховне стихиры праздника.

Слава, глас 6:

Житейская шатания отвергнув, / Христовой благодати взыска / дондеже обрете место Божие, / идеже монахов населил еси стада. / Пастырю милосердный, / преподобномучениче Варлааме, / утешителю скорбящих и маловерных, // не забуди нас, молящих ти ся.

И ныне, праздника.

Тропарь, глас 4:

Узы и страдания кротко претерпел еси, / свидетельствуя о Любви Христовой даже до смерти. / Избранник Божией Матери явился еси, / горняго мира смирением достигл, преподобне Варлааме. / И ныне милостиво посещая чад твоих, / моли Христа Бога // спастися душам нашим.

Ин тропарь, глас 8:

От юности пути Христова вожделел еси, преподобномучениче, / на Горе, Богом избранной, вселился еси; / и, множество иноков собрав, светильник сонму христолюбцев явился еси. / За любовь к ближним безбожными умучен был еси; / и ныне моли Христа Бога, преподобномучениче Варлааме, / о нас, чтуших святую память твою.

По 1-м стихословии седален, глас 4:

Званию Господа твоего последовал еси, мир отверг и вся яже в нем красная, всеблаженне Варлааме, претерпел еси пустынное озлобление усердно, полки же отразил еси демонов мужественне. Темже твою память присно песньми восхваляем верно.

Слава, и ныне, праздника.

По 2-м стихословии седален, глас 4:

Земленых и тлеющих наслаждений небрегосте, и пустынное житие возлюбисте, мира красоты и пищи временныя возненавидевше, и отсюду сподобистеся мученическому и постническому сочтатися лику: с нимиже молите спасти рабы ваша.

Слава, и ныне, праздника.

По полиелеи седален, глас 6:

В пощении искусен быв, во страдании просиял еси, и просветил еси верныя твоими подвиги, блаженне Варлааме: темже тя вси согласно величаем.

Слава, и ныне, праздника.

Степенна, 1-й антифон 4-го гласа.

Прокимен, глас 4-й: Честна пред Господем смерть преподобных Его.

Стих: Что воздам Господеви о всех, яже воздаде ми.

Евангелие от Матфея, зачало 38.

По 50-й псалме стихира со стиховны: Житейская шатания отвергнув:

Канон праздника на 6 и святаго на 8.

Канон святаго,

егоже краегранесие: Варлаама новаго Святогорца прославим. Глас 8.

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Воспети по достоянию утверди нас, Господи, новаго мученика Твоего, преподобнаго Варлаама, да славится тем Имя Твое, Дивнаго во святых Своих.

Ангельскому жительству прилежа, Писаниям Божественным от юности навыкнув, борющия страсти разумев, Христу вопиял: Жизнодавче, оживи мя Духом Твоим Святым.

Распалися сердце твое о Бозе, во оправданиях Господних поучаяся, к молитве обратися, блаженне, от прелести мира отвращся Путь и Истину и Живот взыска.

Богородичен: Лика Твоего не отврати от нас, Владычице, о египетских снедях скорбящих, и научи пети Избавителю и Богу нашему.

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Апостольские предания мудрованиями расколоучителей отметаемыя позна, блаженне, егда благодать обрести возжада, странствованию предахся. От бездны же отчаяния потщался избавитися, истинную Церковь Христову явити молихся.

Аще овцы без пастыря, како благодати пажити обрящут – взывал еси? Тем же нощным стенанием вопиял: яви нам, Господи, место, идеже священницы Твои, в правду облеченныя!

Молебствия православных бегая, тайно же в бездождии с ними моляся, знамения благодати просил – каплющую росу духовную в душу прияти.

Абие одожди Господь милости Своя, яви чудо по молебствию, посла пастыря Своего, на молитву веры призирая, от неведения разрешити и светом облистати тя.

Богородичен: Нетвердыя стопы наша, человеком угождающия, к Сыну Твоему и Богу управи, Владычице Богородице, от неплодия души избавляя.

Ин кондак, глас 7:

Молитвою теплою к Богу / родную землю согрел еси; / евангельски пожив, досточудне, / людей заблуждших умудрил еси. / Молися, небесный человече, // за нас, земных и недостойных.

Седален, глас 4:

Страстное покорил еси плотское мудрование, и горшая поработив лучшему, отче Варлааме, преславне сокрушил еси бесовския козни постом, и возсиял еси в мире яко луча солнечная, сиянии твоих добродетелей: сего ради тя воспеваем.

Слава, и ныне: праздника.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив, Тем с пророком Аввакумом зову Ти: силе Твоей слава, Человеколюбче.

Отвергше прадедния блуждания обретох Благодать и Истину; Петру архиерею хлеб и от пчел сот яко Христу в дар принося, преподобне, Хлебом Жизни питаем, уста твоя медоточныя содела.

Восхищением непщева благословение яти, неразумныя, како благодать имате, убежала бо вас – взывал еси, блаженне, сродников и другов, в расколе коснеющих, к Чаше спасения привлекая.

Аще Церковь кто преслушает, яко язычник и мытарь вменяется, како отметаетесь Пославшего самовидцев, како с Телом Христа разлучаетесь – витийствова преподобне, неведением гибнущих исцеляя.

Богородичен: Грехами богатеющия спаси ны, Царице Небесная, и осужденным милость испроси, не имамы бо иныя помощи разве Тебе.

Песнь 5

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Обитель возводити наемником пришед, благодатию уловлен, начальник и строитель явился преподобне и в ангельский образ облеклся.

Столпом облачным и образом креста молнииным избранное место многажды Господь верным открыва, устроение обители благословляя, призва тя, богомудре Варлааме, пасти зде стадо свое.

В афонской пустыни жительствовати ревнуя, святое послушание стяжевая, Промыслу повинулся, блаженне, Уральский Афон возрастити потщался.

Богородичен: Ясти и питии, играти и по воле греховней ходити навыкох, в руце Божией быти не умудрихся, окаянен, но Ты, Пресвятая Дево, просвети скудоумие мое.

Песнь 6

Ирмос: Ризу мне подаждь светлу, одеяйся светом яко ризою, Многомилостиве Христе Боже наш.

Трудами, молитвою и постом образ делания иноческаго дая, наипаче послушанию навыкати научал еси, преподобне Варлааме, всем послушлив бывая.

От плена египетскаго людие моисейски избавляя, на Гору Боговидения восшед, закон жития иноческаго восприя и учеником даде, к многоплодию души направляя.

Гласом кротким и слезами многими неправых увещавая, блаженне, простотой, смирением и любовию терпеливно побеждал еси.

Богородичен: Осквернихся беззаконьми многими, добродетелей наг явихся, срамные одежды имам, но милостию Твоею, Пресвятая Дево, ущедри мя и покрый.

Кондак, глас 4:

Яко постника искуснаго / и страдальца Боговенчаннаго, / горняго жителя и Боговидца / в песнех достойно восхвалим Варлаама приснохвальнаго, // той бо змия лукаваго попрал есть.

Икос

Страстем Господним подражая, умрети за истину сподобился еси, лесть безбожнаго суетства разоряя, мужески подвигся противу врагов Церкви Православныя, тех злохитрости и неистовства, и козни низложил еси, и венец почести приял еси, Варлааме, преподобне страдальче. Тем верою прибегаем и зовем ти, от враг видимых и невидимых избави нас, ты бо змия попрал есть.

Песнь 7

Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.

Радоватися сердцем, в храм идуще, поучал еси, преподобне Варлааме, яко сподобил Господь со святыми Отцами славословие приносити: Боже, благословен еси.

Церковь соборную возвести потщался, блаженне, на Господа печали и попечения возложил еси, по вере же богатыя милостыни приях, храм зело преукраси зовуще: Боже, благословен еси.

Ангельски предстояти Богу и воспевати со страхом братию наставляя, богомудре Варлааме, умиленной службой все концы благодатно просвети взывати: Боже, благословен еси.

Богородичен: Печальми житейскими смущаем, унынием побеждаюся, маловере, к Тебе, Пречистая Госпоже, вопию: изведи ум мой от скорби, снедающей мя.

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Ради Христа уды душевныя и телесныя весь день умервщляя, напоследок воистину яко овца заколения вменихся, преподобне.

Огрубевшие в неверии сердца любовию твоею растопляхуся, души страждущия дивно к жизни возставляхуся, велиих бо таинств явился еси собеседниче, блаженне.

Слову Божию вечер и заутра притекающих назидая, преподобне Варлааме, молчанием и молитвою труды своя растворяти потщался еси.

Богородичен: Лютыми страстьми расхищаему, удобее молчание хранити, обаче Тобою, Дево Богородице, дерзаю и аз вопити: благословите вся дела Господня Господа.

Песнь 9

Ирмос: Воистину Богородицу Тя исповедуем, спасении Тобою, Дево Чистая, с Бесплотными лики Тя величающе.

Апостольскими стопами на Гору Преображения восшед, веру Петрову и любовь Иоаннову яви, преподобне, напоследок же умучен бых, надеждою Иаковлевой окриляем показася.

Во узах духом креплий, на страдания вольно грядый, Христу подобясь, плачущим заповеда: плачьте о себе и детях ваших.

Исповеда пред ангелы и человеки Имя Господне, муки претерпе, венец доброты восприя, славне: тело бо водной глубине предадеся, душа же водами нечестия не потоплена бысть.

Богородичен: Мати Божия, Благая Вратарнице, не попали нас, грехми болезнующих, яко оных безумцев, Лику Твоему ругавшихся, огнь бо поял место беззакония их.

Светилен:

Процвел еси яко финикс давидски, отче, и обитель явился еси Духа Пресвятаго, и славна тя вселенней показа. О нас непрестанно моли, почитающих верою пречестную память твою, преподобне Варлааме.

Слава, и ныне, праздника.

На хвалитех стихиры на 6: праздника 3 и

ины стихиры преподобномученикам, глас 2:

Киими хвалебными песньми / воспоим богомудраго Варлаама, / ко спасению неустаннаго путеводителя, / попечителя душ немощных, / белогорскаго светильника. / От погибели многия обративый, премудре, // молимся ти помози и нам грешным.

Преподобниии мученицы, / не дасте сна очима вашима и веждома дремания, / в броня правды облекшеся, / пути Господни разуместе / и в заповедях Его текосте, / и тако во святых жребии свои кровьми восприясте, // – воистину добрую куплю сотворили есте.

Преподобнии наставницы, / святой жизни проповедатели, / блаженней вечности земнии устроители, / страстей душевных и недугов прогонителие, / алчущих питатели и скорбных посетители, / и всякой душе озлобленней скорые утешители, // молим вас, помозите и нам грешным.

Слава, глас 1:

Мира познасте безумие, / блаженнии белогорцы, / избра вас себе Господь, / во искушения ввергох, / любящим Его смертию поспешествуя, / во благих души водворих. // Воистину никтоже разлучи вы от любве Божия.

И ныне, праздника.

Блаженны праздника песнь 7-я и 8-я от обоих канонов на 4, и святаго песни 6-я на 4.

Прокимен, глас 7: Восхвалятся преподобнии во славе, и возрадуются на ложах своих.

Стих: Воспойте Господеви песнь нову, хваление Его в церкви преподобных.

Апостол к Римлянам, зачало 99

Аллилуиа, глас 6: Блажен муж бояйся Господа, в заповедях Его восхощет зело.

Стих: Сильно на земли будет семя его.

Евангелие от Лука, зачало 64.

Причастен: Радуйтеся праведнии о Господе, правым подобает похвала.

Молитвы

Земли́ на́шея Белогра́дския/ новому́ченицы и испове́дницы:/ святи́телие Никоди́ме, Ону́фрие и Анто́ние,/ с ва́ми же – иере́е, диа́кони и миря́не благочести́вии,/ в житии́ свое́м све́том Христо́вым просия́вшии,/ за Него́же до́бре страда́вшии и венча́вшиися,/ и ны́не на́с, во труде́х и слу́жбах су́щих,/ предста́тельством свои́м вразумляющии и укрепля́ющии/ ко возрожде́нию и возвыше́нию Правосла́вия!/ Христа́ Бо́га моли́те/ ми́р и благоде́нствие Оте́честву на́шему дарова́ти// и душа́м на́шим — ве́лию ми́лость.

Перевод: Земли нашей Белогорской новомученики и исповедники, святители Никодим, Онуфрий и Антоний, с вами же - иереи, диаконы и миряне благочестивые, в жизни своей светом Христовым просиявшие, за Него же свято пострадавшие и увенчавшиеся, вы и сейчас нас, трудящихся и служащих, защитой своей вразумляете и укрепляете на возрождение и возвышение Православия! Христа Бога молите даровать мир и благоденствие Отечеству нашему и душам нашим - великую милость.

Му́жество необори́мое даде́ся вам,/ святи́и страда́льцы Белого́рстии,/ жития́ ра́ди всехва́льнаго,/ вы бо, ве́рность Христу́ Бо́гу до сме́рти сохрани́вше,/ муче́ния лю́тая претерпе́ли есте́./ Те́мже, венцы́ нетле́нныя стяжа́вше,/ моли́теся о нас приле́жно,// да сподо́бимся оправда́ния в Стра́шный День Су́дный.

Избра́нных святи́телей и му́чеников Бо́жиих/ досто́йнии сонасле́дницы,/ я́ко прия́вшии благода́ть победи́тельную,/ на́м, ны́не во стра́нствии су́щим/ прему́дрость и си́лу от Го́спода испроси́те,/ да благода́рственно к ва́м взыва́ем:/ ра́дуйтеся, земли́ Белогра́дския похвало́ и утвержде́ние!

Перевод: Избранных святителей и мучеников Божиих вы достойные наследники, как получившие благодать победную, нам, странствующим, испросите премудрость и силу от Господа, да с благодарностью взываем к вам: «Радуйтесь, земли Белогорской честь и слава»!

Кто возмо́жет изрещи́ страда́ния ва́ша,/ святи́и преподобному́ченицы Белого́рстии,/ поруга́ния бо, ра́ны и у́зы темни́чныя претерпева́юще,/ я́ко ве́рнии раби́ Госпо́дни,/ еди́наго Бо́га славосло́вили есте́// и смерть за Христа́ восприя́ли есте́.

О, святи́и сла́внии и добропобе́днии новому́ченицы и испове́дницы земли́ Белогра́дския: архипа́стырие и па́стырие, мона́шествующии и мирсти́и, во вся́цем ро́де и зва́нии до́бре по́двиг сво́й соверши́вшии и ве́ру Христо́ву да́же до кончи́ны соблю́дшии! Вы́ в годи́ну гоне́ний лю́тых и братоубийственныя бра́ни, постигшую страну́ на́шу от безбожников и отсту́пников, на непра́ведных суди́лищах, во вся́ческих обстоя́ниих и плене́ниих, темни́чных заточе́ниих и про́пастех земны́х, яви́ли есте́ о́бразы непоколеби́мыя ве́ры, терпе́ния, кро́тости и упова́ния на во́лю Бо́жию. От страда́ний же и кро́ве ва́шея, я́ко от се́мене до́браго, ве́ра и Це́рковь Христо́ва возраста́ют. Ве́мы бо, я́ко ны́не в одеждех бе́лых у Престо́ла Небе́снаго предстоите́ и на́м во служе́нии и труда́х благода́тно содействуете. Па́мять ва́шу собо́рне почита́юще, приле́жно мо́лим: испроси́те у́бо у Всемогу́щаго Влады́ки земно́му Оте́честву на́шему ми́р, благоде́нствие и процвете́ние, ве́ры правосла́вныя утвержде́ние, ересе́й и раско́лов низложе́ние, архипа́стырем, па́стырем и служи́телем Це́ркви — благода́тней по́мощи к досто́йному служе́нию, еще́ же и да́р прозре́ния и разсужде́ния духо́внаго; вла́сть предержа́щим — му́дрое правле́ние, христолюби́вому во́инству — си́л духо́вных и теле́сных укрепле́ние, всему́ же наро́ду Бо́жию — вся́ я́же ко спасе́нию проше́ния, да моли́твами Пресвяты́я Богоро́дицы, си́лою Честна́го и Животворя́щаго Креста́, предста́тельством честны́х Небе́сных Си́л Безпло́тных, святы́х сла́вных и всехва́льных апо́столов, добропобе́дных му́чеников, преподо́бных и богоно́сных оте́ц и все́х святы́х досто́йни бу́дем в де́нь Пра́веднаго Суда́ десна́го стоя́ния пред Престо́лом Триеди́наго Божества́ – Отца́ и Сы́на и Свята́го Ду́ха. Ами́нь.

Каноны и Акафисты

Избранный боголюбче и усердный угодниче Христов, теплый молитвенниче и ходатаю о гресех наших! Восхваляя Прославльшаго тя Господа, воспеваем ти похвальная:

Радуйся, преподобномучениче Варлааме, вертограда Божия крине предивный.

Ангелов Творец яви тя, досточудне, народу Российскому. Яко милость велия от Господа просветися житие твое. Обильныя труды понесл еси, святче, ради Явившаго тя. Мы же, дивящеся о подвизех твоих, воспеваем ти сице:

Радуйся, благочестия изрядный блюстителю;

Радуйся, измлада молитву возлюбивый.

Радуйся, Единому Богу работати возжелавый;

Радуйся, живот твой за Того положивый.

Радуйся, и ныне молитвою пламенеющий;

Радуйся, заступниче о нас пред Богом неусыпный.

Радуйся, кадило благовонное ко Господу;

Радуйся, защитниче наш и покровителю.

Радуйся, преподобномучениче Варлааме, вертограда Божия крине предивный.

Видяще от юности твоея каковыя скорби прехождение в расколе приносит, вожделел еси путь Господень познати. Пред иконою Вседержителя и Его Пречистыя Матере усердно молящемуся даровася ти надежда на спасение. Сего ради немолчно взывал еси к Богу: Аллилуия.

Разумение пагубы церковнаго разсечения дадеся ти, святче Варлааме. Тем же хождение во мраце раскола презрел еси. Первосвященничества ложнаго уклонися, на Гору Божию очима своима взирая. Мы же, видяще притрудныя пути твоя ко Господу, Его же обрел еси, взываем ти таковая:

Радуйся, взалкавший правды и чудно насыщенный;

Радуйся, взыскавший блаженства и дивно обретый.

Радуйся, издетска благую часть избравый;

Радуйся, ко Христу из тьмы и сени смертней возшедый.

Радуйся, глаголы живота вечнаго в сердцы своем слагавый;

Радуйся, дерзновения к Богу не отлагавый.

Радуйся, Господом помилованный;

Радуйся, на Гору Божию Духом приведенный.

Радуйся, преподобномучениче Варлааме, вертограда Божия крине предивный.

Силу Православия познал еси, святче, егда по слезному прошению твоему яви Всевышний чудо Свое одождив пределы Белогорския по молебствию преосвященнаго Петра с ликом людей церковных. Ты же благодаря Господа за сицевое вразумление воспел Ему со трепетом: Аллилуия.

Имея источник слез покаянных, пред православным Владыкою колена своя преклонил еси, рассекателем единства себе именуя. Не терпяще более уклонения от церковныя святыни, в богоспасаемом граде Перми к Православию истинному приобщился еси вкупе со сродники своими. Отонюдуже от рад души своея исцеленный, точию Единому Господу в работу сугубую предаде себе. Сего ради достоин еси песнь слышати таковую:

Радуйся, плоды чудныя покаяния сотворивый;

Радуйся, Христа, безценнаго бисера обретый.

Радуйся, миропомазанием Церкве соединившийся;

Радуйся, на небесех скинию светлую себе создавый.

Радуйся, самим Господом взысканный;

Радуйся, Им же обрадованный.

Радуйся, сонмы ангелов в ликование приведый;

Радуйся, на Гору Божию восшедый.

Радуйся, преподобномучениче Варлааме, вертограда Божия крине предивный.

Благодать Православия вкусив, восхотел еси, блаженне, начаток иноческому житию положити, на Гору Белую ум свой возведя. Сего ради пострижение приим, взывал еси к Богу: Аллилуия.

Поюще песнь Иверскому образу Пречистыя Матере, его же со инеми святынями из града Перми изнесше, во главе крестнаго хода шествовал еси. И Горы Белой достигнув, первым ея жителем обрелся еси, к подвигом иноческим приступая. Яко светильника благодатнаго увиде тя народ православный зело скоро начаша к тебе прилеплятися, жаждая поучения праведнаго. Мы же, памятующе о твоем чудном на Гору восхождении, воспеваем ти таковая:

Радуйся, иноче, милостию Божиею явленный;

Радуйся, Горе дивной в благословение Господом данный.

Радуйся, непрестанным Божественным желанием живый;

Радуйся, яко свет твой пред человеки просветился еси.

Радуйся, свеще, пред Господом возженная;

Радуйся, горяй на свещнице высоком.

Радуйся, волею Христовою преображенный;

Радуйся, светило во мраце раскола взошедшее.

Радуйся, преподобномучениче Варлааме, вертограда Божия крине предивный.

Божественным промышлением избранный, достойно стези иноческаго служения проходил еси, святче, в бдениих и постничестве подвизаясь. Радость велия пребывания на Горе Божией запечатлеся в сердцы твоем, в нем же преизбыточествовал еси благоговением ко Христу, выну взывал Ему: Аллилуия.

Видя в себе желание, достохвальне, добропобедным воином Христовым быти горячо ко Господу молился еси. И благодать от Того стяжав, сокрушал еси демонския полки, иночество многотрудное яко дар Божий пронесше. Сему Господню о тебе благоволению дивящеся, воспеваем ти сице:

Радуйся, в броню правды оболкийся;

Радуйся, щит веры в руце вземый.

Радуйся, шлем спасения восприимый;

Радуйся, чресла твоя истиною препоясавый.

Радуйся, во всякой благостыне и правде ходивый;

Радуйся, в новаго человека оболкийся.

Радуйся, сокровище неоскудеваемое на небесех собравый.

Радуйся, преподобномучениче Варлааме, вертограда Божия крине предивный.

Проповедию равноангельнаго жития удобряя труды твоя ко Господу, отче Варлааме, образом кротости, смирения и незлобия показался еси, в них же обильно очищение приим, призывал всех воспевати Богу: Аллилуия.

Возсиявшей дивной любви твоей ко Христу возрадовались Ангелы на небесех. Мы же, грешнии, глаголем ти сицевая:

Радуйся, со Христом для стихий мира умерый;

Радуйся, нощь и день преизлиха моливыйся.

Радуйся, сердце свое в любовь Божию исправивый;

Радуйся, от силы в силу восходивый.

Радуйся, преподобнеи руце твои к Богу воздевавый;

Радуйся, благодатию Христовою преисполненный.

Радуйся, яко мзда твоя многа на небесех.

Радуйся, преподобномучениче Варлааме, вертограда Божия крине предивный.

Хотя благочиние и святость в обители Белогорстей утверждати, настоятельство честное высоко пронесл еси, преподобномучениче, иноческаго духа не угашая. Чиста и непорочна яви тя Господь во утешение чадам твоим. Мы же, благодаряще Бога, воспеваем ти: Аллилуия.

Новаго видяще тя наставника иноком, от многих стран Российских притекаху к ти жаждущии пустыннаго жития и безмолвия. Кто доволен изрещи труды твоя и скорби, блаженне, егда вкупе со Антонием и Серафимом жизнь равноангельную на Горе утверждал еси, предстательством Николая угодника обитель святую созидая, с кротостию поучал еси братий своих, слезы, во еже исправитися им, проливая. Мы же, восхваляя усердие твое ко Господу, взываем ти сице:

Радуйся, дивный светильниче и ангелов собеседниче;

Радуйся, сожителю святым и присный Богу.

Радуйся, единение духа в союзе любве соблюдый;

Радуйся, во оправдании Божием безпорочно ходивый.

Радуйся, монахов множество во единое братство собравый;

Радуйся, не вотще течение подвига исполнивый.

Радуйся, Жениху Евангельскому, в сретение исшедый;

Радуйся, добродетелию смирения исполненный.

Радуйся, преподобномучениче Варлааме, вертограда Божия крине предивный.

Странным чудом явися в земли Пермстей скорое умножение и благоустроение обителей иноческих тщанием твоим, отче Варлааме, словно потоки вод едемских устремишася с Горы Божией словеса благодати, приобщишася же их, купно взываем Богу: Аллилуия.

Весь еси горение ко Господу, вдаде себе, досточудне, подвигом преизрядным. Восхваляюще велие служение твое Церкви Православней, возглашаем ти таковая:

Радуйся, обителей множества устроителю;

Радуйся, жатвы Божией делателю усердный.

Радуйся, столпе Церкви нашея Богом утвержденный;

Радуйся, созиданию Афона Уральскаго послуживый.

Радуйся, в делех добрых обогативыйся;

Радуйся, землю суровую сердец малодушных любовию оросивый.

Радуйся, сад плодоносный на Горе Белой, в разуме Божием насадивый;

Радуйся, авва всея Пермския страны.

Радуйся, преподобномучениче Варлааме, вертограда Божия крине предивный.

Вси людие вернии, приходяще к тебе на Гору, видеша тя, яко отца чадолюбива, питателя добра, духовника премудра, учителя покаяния пред Богом и отечеством, зовуща пети Господеви: Аллилуия.

Ветии доброглаголивии нарекоша тя истинным подражателем Христу, зря тебе, яко зерно пшеничное, падшее в землю и погибшее, но давшее плод многим. Мы же приносим ти песнь сию:

Радуйся, сонмы о Христе созидавый;

Радуйся, вся в соединение веры призвавый.

Радуйся, жертву хваления Господеви принесый;

Радуйся, с кротостию противныя наставивый.

Радуйся, неверных людей мнозех совершивый;

Радуйся, страннолюбия незабывавый.

Радуйся, объятия Отча заблуждшим отверзти у Христа просивый.

Радуйся, преподобномучениче Варлааме, вертограда Божия крине предивный.

Спасительным речам твоим, преподобномучениче, со умилением внимаша, множество людей, спасения ищущих, начало исправления пути своего ко Христу полагая, учителем покаяния тя именуя, Господеви же поя: Аллилуия.

Стену крепкую Православия обретоша тя Христоименитии российстии людие, проповедника Богоглаголиваго, путевождя духовнаго. Вещание словес твоих запечатлеша тии на скрижалех сердец своих, да обретутся чадами верными на Страшнем Судище Христовом. Мы же, благодарни суще за толикую любовь твою к народу Божиему, вопием ти сице:

Радуйся, слово свое во благодати растворивый;

Радуйся, благую весть в себе богато приявший.

Радуйся, за Семью Августейшую слезно моливыйся;

Радуйся, на верность Богу, Царю и Отечеству российский народ наставляяй.

Радуйся, Евангельским хлебом паству велию насытивый;

Радуйся, исповедание Самодержавия неуклонно совершивый.

Радуйся, клянущия ти благословивый;

Радуйся, жертву благоугодну Богу принесый.

Радуйся, преподобномучениче Варлааме, вертограда Божия крине предивный.

Пение неумолчное Вседержителю приносящем, защитником Церкви нашей и Отечества был еси, Варлааме святе, сего ради восхотеша врази погубити тя, к лести прибегши, призваша тя в место далече от обители твоея. Ты же в каждом человеце чадо Божие видяще, требующее окормления духовнаго, смело исшел к призвавшим тя, мыслию о Христе вооружившись, поя Ему со умилением: Аллилуия.

Светоподательных глаголов твоих не хотяще слышати, наложиша безбожныя на тя, блаженне, узы, да предадут мукам и истязаниям и послежде смертию люте умертвят. Ты же, увозимый во град страданий твоих, не преставал еси учити верных, да не боятся убивающих тело, душу же не могущих погубити. Кто от людей церковных уклонится от еже славити тя:

Радуйся, пастырство до конца пронесый;

Радуйся, в терпении велием душу свою стяжавый.

Радуйся, смирение чудное имевый;

Радуйся, пред Ангелы Божии прославленный.

Радуйся, скорбь на скорбь приемый;

Радуйся, еже по Христу страдати удостоенный.

Радуйся, во всяком терпении возмогший;

Радуйся, горняго мира пресветлый жителю.

Радуйся, преподобномучениче Варлааме, вертограда Божия крине предивный.

Благодать велия дадеся ти, преподобномучениче, в ризах белых, очищенных кровию неповинною, пред Престолом Вседержителя стояти сподобился еси, идеже свободь от печали и воздыхания, ныне радостно зовеши к Богу: Аллилуия.

Поюще твое до последняго издыхания стояние о Христе, взирающе на раны твоя о нас, недостойных, понесенныя, прощения просяще со слезами, взываем ти таковая:

Радуйся, землю нашу кровию своею оросивый;

Радуйся, многия страдания испытавый.

Радуйся, руганьми и ранами искушение приемый;

Радуйся, в наследие святых угодников призванный.

Радуйся, верою множайшею мучителей победивый;

Радуйся, избранник, Господом очищенный.

Радуйся, среди Новомучеников Российских светило пресветлое;

Радуйся, со Христом терпевый, с Ним и воцаривыйся.

Радуйся, преподобномучениче Варлааме, вертограда Божия крине предивный.

О пречудный угодниче Христов, страстотерпче отче Варлааме! Восхваляя тя за равноангельное твое житие и терпение велие, преклоняя выю сердец наших, приносим ти малое моление сие, его же приими и вознеси о нас благомощную твою молитву, да обрящем прощение грехов наших в радости поюще Богу: Аллилуия.